"... whispers the cloudwatcher."

Ipagtipan mo ang iyong mga kamay na parang
alay sa altar, at siya nila itong ibibilot ng lubid ng ubod
ng higpit.  Magsusugat at dadanak ang dugo mula sa iyong
mga pulso, at iyong mararamdaman ang matinding alab.

At habang niyuyurak nila ang iyong sitwasyon sa pamamagitan
ng kanilang matitinding halakhak at mapanuot na ngisi, isang ngiti
ang tatakas mula sa iyong mga labi, sapagkat ang alab na iyong nararamdaman
ay mula hindi sa panibugho, kundi'y sa tagumpay ng iyong sarili.

Sumisigaw ito, naghihimagsik, at sumisirit sa bawat butil ng iyong
pagkatao.  Hindi ito ang panahon ng pagsuko, kung iyon
man ay dadating.  Hindi dito ang lugar ng pagkatalo, kung ito
man ay ginawa.

Hindi sila ang sisira sa iyo.